Limba și literatura maternă 2018

Ministerul Educaţiei Naţionale Centrul Naţional de Evaluare şi Examinare EVALUAREA NAŢIONALĂ PENTRU ABSOLVENȚII CLASEI A VIII-A Anul şcolar 2017-2018 Probă scrisă Limba şi literatura rromani maternă Model • Toate subiectele sunt obligatorii. Se acordă 10 puncte din oficiu. • Timpul de lucru efectiv este de 2 ore. SUBIECTUL I 45 de puncte „Sas jekhvar jekh ćhavo saves akhardǎs les Samir. Kana kerdǎs efta berśa o Samir gelǎs k-i śkòla. Lesqi dej kindǎs lesqe lilenqo gonorro, śtartorre thaj angarno, xurǎvdǎs les e neve gadorreça thaj, vastesθar, angerdǎs les зi k-e śkolaqo vudar. I phuri daj, lesqi màmi, akhardǎs les laθe thaj palal so phendǎs jekh drabaripen dǎs les jekh purano ruputno lovorro te avel les baxt thaj te avel les but lośalipen k-i skòla. K-o śird sas lesqe cïra maj pharo te xaćarel pes e kolaver siklǒvnença. Na xancïvar vov maj xastralas p-o jekh rromano lav, tha’ kana i siklǎrni vaj lesqe amala pućhenas les ,,so phendǎn?” vov itǒ rodelas te amboldel gaзikanes, te laćharel pesqi doś. Lokhes, lokhes o Samir lǎs te kamel but i śkòla thaj o siklǎripen, tha’ sas les jekh pharimos. Sar inklenas avri anθar i śkòla, o Jòno, lesqo kolègo śirdelas te ćingardel palal lesθe: - O rrom, o rrom! Ages kadja, texara kadja vi aver amala ćingardenas sar o Jòno: - O rrom, o rrom! Aśundǎs vi i siklǎrni thaj but xolǎriko cipisardǎs lenθe; thaj vi sikavdǎs lenqe ke na si śukar te phenen kadja; ke vi le rroma sar vi aver nàcie si sa manuśa thaj savorre si sajekh.” O baśavno, palal o Borkoj Źupter 1. Xramosaren savo si o tìtulo, o autòro thaj e personàźurǎ e dine literarone operaqe! 5 pùnkturǎ 2. Xramosaren, anθ-e trin-śtar rèndurǎ, palal sosθe vakǎrel pes tekstosθe. 5 pùnkturǎ 3. Sikaven anθ-e, panз rèndurǎ, anθar savo literaturikano ćhand / mòdo si kadava tèksto (dramaturgìa / poezìa / pròza)! 5 pùnkturǎ 4. Ambolden gaзikanes o tèksto dino maj opre! 5 pùnkturǎ 5. Arakhen e mamujutne alava / antonìmurǎ vaś: neve, śukar, lokhes, nàcie, amal! 5 pùnkturǎ 6. Roden thaj xramosaren panз sarnavnǎ / pronòmbrurǎ anθar o dino tèksto thaj phenen lenqo kèzo. 5 pùnkturǎ 7. Roden thaj xramosaren panз kernavnǎ / vèrburǎ save si k-o mòdo indikatìvo, k-o nakhlo vaxt! 5 pùnkturǎ 8. Arakhen panз paśnavnǎ / adźektìvurǎ anθar o dino tèksto! 5 pùnkturǎ 9. Anθ-i propozìcia: „Lesqi dej kindǎs lesqe lilenqo gonorro.”, o subijèkto thaj o predikàto si ........................... . 5 pùnkturǎ Probă scrisă la limba şi literatura rromani maternă Model Pagina 1 din 2  Ministerul Educaţiei Naţionale Centrul Naţional de Evaluare şi Examinare SUBIECTUL al II-lea_ 45 de puncte 1. Nakhaven i sintàgma „i phuri daj” anθar savorre siklile kèzurǎ, ka-o jekhipen vi ka-o butipen! 10 pùnkturǎ 2. Nakhaven i kernavni / o vèrbo „pućhel” ka-e savorre vaxta e indikativone modosqe / ćhandesqe! 10 pùnkturǎ 3. Vakǎren, panзe rendurenθe, palal tiri siklǎrni / tiro siklǎrno e rromane ćhibǎqo! 10 pùnkturǎ 4. Xramosaren, panзe rendurenθe, sar sas e Samirosqe anglutne śkolaqe dǐvesa! 10 pùnkturǎ 5. Keren po jekh propozìcia e vortogramença: anθ-o, anθ-i, anθ-e, k-jekh, na-i! 5 pùnkturǎ Probă scrisă la limba şi literatura rromani maternă Model Pagina 2 din 2